Utos ng SC na patalsikin si Reyes ‘di susundin ng HRET

From L to R: Justice Diosdado Peralta, Justice Presbitero Velasco Jr., Justice Lucas Bersamin,

Rep. Luzviminda Ilagan (Gabriela party-list), Rep. Franklin Bautista (Davao del Sur), Rep. Mark Enverga (Quezon City)

Rep. Joselito Mendoza (Bulacan), Rep. Jerry Treñas (Iloilo), Rep. Ma. Theresa Bonoan (Manila) 

PANALO NI ATE GINA REYES SA HRET, 

PANALO NG BAWAT MARINDUKENYO, 

PANALO NG BAWAT PILIPINO!

Noong nakaraang Biyernes, Pinagtibay ng botong 4-3 ang Desisyon ang House of Represenatatives Electoral Tribunal (HRET) na Kongreso ang tagging sangay ng pamahalaan na nararapat na mag desisyon sa usapin ng halalan sa pagkakrongrsista na malinaw na naayon sa ating Saligang Batas. Taliwas ito sa mga pahayag at desisyon na pinalabas ng Korte Suprema na halatang pumabor sa talunang kandidato na si Allan Velasco na anak ng chairman ng HRET at isa sa pinakamataas na Mahistrado ng Korte Suprema na si Associate Justice Presbitero Velasco.

Itinuwid ng HRET ang baluktot na sistema na gustong pairaling ng mga nasa Korte Suprema upang mapagbigyan lamang ang anak ng kanilang kasamahan. Ito ay malinaw na pagtatama sa mga pagmamalabis at abuso sa kapangyarihan at dahil dito, hindi si lang si Ate Gina ang panalo at makakakamit ng tunay na hustisyang ipinagkait sa kanya kundi pati ang kapwa nating mga Marindukenyo at higit sa lahat, sa ating lahat na Pilipino na nagiging biktima ng mapanggipit at mapanupil na sistema ng katarungan.

Balita mula sa Philipino Star Ngayon

Utos ng SC na patalsikin si Reyes 

‘di susundin ng HRET

MANILA, Philippines - Hindi susundin ng House of Representatives Electoral Tribunal ang kautusan ng Korte Suprema na patalsikin na bilang kinatawan ng Marinduque sa Kamara si Congw. Regina Reyes.

Ayon kay Gabriel Rep. Luz Ilagan, miyembro ng HRET, 4-3 ang naging resulta ng botohan.

Ibig sabihin, pinagtitibay ng HRET ang kanilang kapangyarihan na sila lang ang may hurisdiksyon na humawak ng mga kasong may kaugnayan sa electoral case ng mga miyembro ng mababang kapulungan ng kongreso.

Dahil rito, ang susunod na proseso aniya ay ang pagtalakay sa merito ng kaso, ito ay kung American citizen ba si Reyes o hindi.

Dito aniya bibigyan ng pagkakataon si Reyes na maidepensa ang kanyang sarili laban sa mga akusas­yon. Pagkakataon na rin ito ni Reyes para ipakita ang mga ebidensiya niya at ipagpatunay na siya ay isang Filipino citizen. Matatandaang hindi nabigyan si Congw. Reyes ng mga pagkakataong ito sa Comelec o kahit sa Supreme Court.

Ang basehan lang ng pag-disqualify kay Reyes ng Comelec ay isang blog sa internet at isang xerox copy lang ng isang pirasong dokumento mula sa Bureau of Immigration, na certified true copy. Hindi rin daw pinatawag sa hearing ng Comelec ang nag-blog sa internet, o nakapirma sa BID document upang tumestigo at magpatunay na katotohanan nga ang kanilang mga ebidensiya. Sa kaniya ngang “Dissenting Opinion,’ mismong si Chairman Sixto Brillantes ay nagsabing ang mga ebidensiya ay “double hearsay” lang.

Nagpasalamat naman si Reyes sa mga miyembro ng HRET na bumoto na itaguyod ang karapatan ng HRET na duminig ng kaso niya, sa harap ng pagpupumilit ng SC na masunod ang nauna ng desisyon nilang idisqualify na si Reyes.Pinasasalamatan din niya ang buong Kongreso, lalo pa si House Speaker Feliciano Belmonte sa mga suporta nito.

Matatandaang nanalo si Reyes ng mga 4,000 votes laban sa katunggali nito na si Lord Alan Velasco, anak ng kasalukuyang HRET Chairperson Associate Justice Presbitero Velasco ng Supreme Court..