Mga Pangakong Napako ni Cong. Lord Allan Velasco. Ika - Limang na Bahagi

Mistulang naging malaking Christmas Lights na ang Marinduque sa palaging pagpatay sindi ng mga ilaw ng bawat bahay dahilan sa brownout. Sinasabing may malaking pagkaka-utang ang MARELCO sa NAPOCOR na umaabot na sa ngayon ng 200+M piso.

Isang kahambugan nanaman ang pinamalas ng ating nag-iisang Kongresista na si Lord Allan Velasco noong nakaraang eleksyon.

Tumatagingting na 109 Milyong Piso daw ang matatangap ng MARELCO mula sa kongresista upang mabayaran ang utang nito sa NAPOCOR para matigil na ang brown-out dito sa ating mahal na lalawigan.

Nalalapit nang magtapos ang termino ng nasabing kongresista ngunit ni singkong duling ay walang nakuha ang MARELCO na biyaya mula sa kanya. Namuti na ang mga mata ng taong bayan sa kanyang mga pangako ngunit ni isa dito ay walang natupad.

Isa rin sa mga naipangako niya ay sosolusyonan raw niya ang problema sa tubig sa pagpapatayo ng mga water reservoir dito sa ating lalawigan. Ngunit sa mismo niyang bayan dito sa Torrijos ay talamak ang problema ng pagkawala ng tubig. Pila pila ang mga mamamayan upang magkaroon lamang ng malinis na tubig na gagamitin sa loob ng kanilang bahay.

Kawawa naman ang ating mga kababayan na umasa sa mga pangakong binitawan ng Batang Trapo. Na kahit ang kanyang sinasabing bayan na sinilangan ay hindi niya masolusyonan ang problema sa tubig. Hinayaan na lamang niya ang kanyang mga kababayan sa Torrijos.   

Mga Pangakong Napako ni Cong. Lord Allan Velasco. Ika - Apat na Bahagi

Kalahating "Covered Court" Milyon Ang Halaga! Oh ha!

Tunay mandin ang kasabihan na "Kapatid ng Sinungaling ang Magnanakaw". Isang salawikain na pinatotohanan nanaman ng Kongresisitang si Lord Allan Jay Velasco. Marahil ay ganoon na lamang siya talaga pinalaki ng kanyang mga magulang kaya't kahit ang mga mag-aaral, mga magulang, mga guro at mga opisyal ng paaralan ay ginagawa niyang tanga sa mga palusot niya.

Naging bali-balita na naman sa kapatagan ang di-umanoy panloloko at pagnanakaw na lubos na ikinadismaya at ikinagalit ng mga miyembro ng Parent and Teacher Association at mga opisyal ng barangay sa bayan ng Gasan dahil sa isang proyekto na hindi pa nga tapos pero ubos na raw ang pondo! Buong pagmamayabang pang nakapaskil ang EPAL niyang billboard malapit sa proyektong kapos na daw sa budget. Kapal ng mukha at sadyang walang hiya!

Ito po ay ang isa sa mga Proyekto ni Congressman Lord Allan Velasco na madaling kakikitaan ng anomalya. Nagsimula ang di-umanoy "construction" nito noong nakaraang 2011 pa at magpahanggang ngayon 2013 na, di pa rin tapos!

Kung titingnan nating mabuti ay kalahati lamang nito ang nalagyan ng bubong.

At tila pang "half-court" lamang ang disensyo ng pagkakagawa nito dahil kung titingnan ay nagiisa lamang ang ring nito.

Kapit po tayo sa mga kinauupuan o kinatatayuan at baka tayo mabuwal. Ang proyektong ito daw ay nagkakahalaga na raw ng APAT NA MILYONG PISO! Opo, mga kababayan APAT NA MILYONG PISO! Eh kalahati pa lang ang nagawa. Nasaan ang kalahati ng pondo? Naisubi na sa bulsa niya siyempre pa!

Ang isa pang nakakabuwisit na kwento ukol dito ay noong tinanong na ang kongresista kung kailan niya balak tapusin ang proyektong ito. Isa lamang ang kanyang laging tugon: "ubos na po ang budget para sa pagpapatayo natin ng covered court dahil mahal po ang mga na-angkat nating mga materyales, pero ipinapangako ko po pag ako ulit ang nanalo sa darating na eleksyon uunahin ko pong tapusin at ipagawa ito!" SUSMARYOSEP! ninakawan na nga, ginagawa pa tayong tanga na mga Marinduqueno.

Congressman, hindi po mga bata ang inyong kausap noong mga oras na iyon. Mga guro po na humuhubog sa kaisipan ng bawat mag-aaral sa paaralang iyon. Wag ninyo naman po sana silang gawing inutil upang hindi maunawaan ang mga pangloloko at mga kasinungalingan mo. Bistadong-bistado na.

Sa mga larawan po natin makikita ang katotohanan. 

Mga Pangakong Napako ni Congressman Lord Allan Jay Velasco Ikatlong Bahagi

Isang Milyong Kasinungalingan!

Hindi lamang pala ang ating mga mahal na mag-aaral na kabataang Marinduqueno ang nagpupuyos sa ngayon sa galit dahil sa pambibilog ng ulo sa mga pangakong napako ng "ningas cogon" na Kongresistang si Lord Allan Jay Velaso.

Nawalan na rin ng pag-asa ang mga Kapitan ng Barangay mula sa anim na bayan ng ating probinsya. Tunay manding wala tayong maaasahan sa lahat pangakong binitawan ni Cong. Velasco.

Ayon sa kanyang pampletang pinamimigay noong nakaraang halalan,

Nangunguna sa kanyang plataporma ang pangakong Pagbibigay niya ng ISANG (1) MILYONG PISO kada barangay sa kanyang termino.

Lubos na pagkadismaya at galit ang nadarama ng lahat na dumalo sa pagpupulong ng Samahan ng mga Barangay Kapitan sa ating probinsya na idinaos kamakailan lang.

Ayon sa isang Kapitan sa kapatagan, lubos siyang napahiya sa kanyang mga kagawad dahil kanya pang ipinagmalaki ang pangakong binitawan sa kanya mismo ni Cong. Velasco.

Taglay ang kanilang Barangay Resolution kinausap niya mismo si Cong. Velasco sa kanyang District Office. Kanyang pinanghawakan ang pinangako sa kanya ni Congressman na P 400,000.00 libong piso ang kanya raw ilalaan upang ipagawa ang kanilang lumang Barangay Hall at maaasahan niya raw nila ito bago matapos ang ikatlong bahagi noong taong 2012.

Ngayong tapos na ang taong 2012, pang-iinis at pang-aasar lamang raw ang natanggap ni Kapitan mula sa kanyang mga Kagawad na umasa rin sa pangakong binitawan ni Congressman Velasco Hindi na nga raw buong 1 Milyon na pangako ang kanyang inasahan at yung P400,000 libo nalamang ngunit kahit isang sentimo ay wala silang natanggap.

Pinanganak na sinungaling! Isang milyong piso sa bawat barangay ang unang ipinangako ni Congressman Velasco noong siya ay kumakadidato pa lang noong 2010. Nauwi sa apat na raang libong piso (P400,000) na ipinangako kay kapitan noong 2012. Tapos, sa kahulihan ni kusing ay wala ring naibigay! Walang duda baya!, sa sariling niyang bulsa napunta ang pera! Wari bang di matawaran ang takaw sa salapi nitong si Congressman Velasco, kung sabagay, di na nakalagulat, sadyang may pinagmanahan naman siya pagdating dito, ang kanyang butihing ama!

Di na mabilang ang dami ng mga namumuno sa barangay at mga mataas na pinunomg-bayan na dating kaalyado at kakampi ni Congressman Velasco noong nakaraang halalalan ay tuluyan ng nawalan na ng tiwala kay Cong Velasco. Sinugal kasi nila ang kanilang pangalan upang makasiguro na makatatanggap ng isang milyong pangako para sa kanilang barangay na naging isang milyong kasinungalingan. Tapos na ang tatlong taong termino ay wala ring naibigay na tulong si Congressman Velasco.

Hindi na kailangan ng anumang dokumento upang patotohanan ang mga salaysay na ito. Tayo at ang mga Kapitan ng ating barangay mismo ng makakapagpatunay nito.

Buong Isang Milyong Piso nga ba ang natanggap ng bawat Barangay natin sa Marinduque gaya ng pahambog na pangako ni Congressman Velasco? Hindi! Ang ating mga punong-barangay at tayong mga Marinduqueno ang sadyang niloko at pinaasa sa lamang niya.

Sa nalalapit na halalan, wala ring aasahan sa ating mga Marinduqueno si Congressman Velasco. Dapat niyang pakatandaan, Di tayo madaling makalimot.

Mga Pangakong Napako ni Cong. Lord Allan Velasco - Ikalawang Bahagi

Mga Pangarap Na Naging Bangungot 

Hindi natapos ang panlilinlang sa pangakong tatlumpung libong (30,000) bilang na mga scholars ang kanyang bibiyayaan kung sakali siya ay mailuklok sa Kongreso. Kaakibat mandin ng pahambog at panlolokong pangako na ito ang pagbibigay ng sampung libong piso P10,000 kada semestre sa bawat isa sa kanyang magiging iskolar. 

Tunay mandin na wala tayong maaring asahan sa nag-iisang Kongresista ng ating islang probinsya ng Marinduque na si Lord Allan Jay Velasco. Lalo na kung ang pag-uusapan ay ang lahat ng kanyang mga ipinangako. Sadyang maikli ang 3 taon upang hindi maalala ang lahat ng mga pangakong napako. 

Ang pangako na monetary assistance para sa mga islolar nya kuno.

“P 10,000.00 piso ang ibibigay kong tulong pinansyal kada semestre sa bawat iskolar kapag ako ang ihahalal ninyo sa Kongreso.”

 Muli po nating pasalamatan sa datos ang tagapagpabango ng animo'y mabangis at nakasusulasok na utot ng panloloko at kasinungalingan ni Congressman Lord Allan Velasco na si Ginoong Eli Obligacion. 

Ayon sa kay Obligacion, buong pagmamalaki pa niyang ibinaliita na 25% porsyento lang mula sa ipinangako ni Congressman Velasco ang kanila daw na naibigay sa mga iskolar daw ni Cong Velasco, kung mayroon man. Alam mandin nating lahat na noong panahon ni Pareng Edmund ay Sampung Libong Piso (P10,000) na ang ibinibigay na tulong sa mahigit kumulang 27,000 bilang na mga iskolar. Saan napunta yung P 7,500? Saan pa eh di sa bulsa nya! Sinungaling na, Magnanakaw pa! Hang laking pagkakaiba mandin! Basahin

Ano baya ito? Kapos na sa bilang ng iskolar, kapos pa rin sa  halagang ipinangako! Ang hindi lang kapos ay ang kasinungalingan at panlilinlang sa ating mga Marinduqueno. 

Kung tutuusin ang ipinagmamalaki na halaga na ipinamahagi daw ni Cong Velasco ay barya lamang kung bubusisiin ang ang kabuuan ng kanyang CDF(pork barrel) na natanggap. Lalo na kung ating titingnan ang bilang ng kanya daw na iskolar at ang kakaunti lang na bilang nito kung mayroon man. 

Ang lubos na  nakasusuklam pa rito ay ang mga lumutang na balita sa kapatagan ukol sa listahan ng kanyang mga multong scholars. Opo, mga multong scholars baya. Nung nakita ng isang estudyante ang kanyang pangalan sa talaan ng mga iskolars daw ni Cong. Velasco ay kanyang ikinagulat sapagkat wala naman nakarating ni sentimong duling sa kanya para sa kanyang pag-aaral. Pinuntahan niya at ng kanyang magulang ang tagapamahala ng iskolarship daw ni Cong. Velasco upang liwanagin ang listahan. Ang naging tugon sa mag-aaral ay "Sige bibigyan ka na namin sa susunod na semestre basta huwag ka lang mag-ingay." 

Ang pinaka nakakalungkot dito ay hindi tinanggap ni Cong. Velasco ang mga mag-aaral na dating iskolar ni Pareng Edmund. Karamihan sa bilang na ito ay tuluyang nawalan ng pag-asang muling makapag-aral at makapagtapos kaya't sila ay napilitan na lamang namasukan bilang kasambahay.  

Di mandin mapigilang maikumpara na noong panahon ni Pareng Edmund ay inihahatid pa mismo sa kani-kanilang tahanan ang tulong pinansyal para para sa mga iskolar ni upang hindi na gumasta sa pamasahe ang mga magulang at hindi na rin sila kailangang lumiban sa kanilang mga trabaho. Ngayon, sa programa raw ni Velasco bukod sa katiting na nga na bilang na iskolar, delayed pa ang kanilang nakukuhang tulong. Ang masakit pa dito,  kailangan pang pumunta ang mga magulang ngayon sa tanggapan ng tagapamahala ni Cong Velasco upang makuha ang katiting na halaga at kapag minalas at wala sa tanggapan ang tagapamahala ay kailangang balik-balikan pa ito. Kaya't kung minsan ay nakakapangutang nalang ang mga magulang upang maibayad agad sa eskwelahan. O tunay na dagdag na pahirap at gastos! Walang tunay na malasakit! 

Ang magandang pangarap ng mga mag-aaral na Marinduqueno ay napalitan ng tatlong taong bangungot na dala ng kasinungalingan at pambobola ni Cong. Volasco. 

Mga Pangakong Napako ni Congressman Lord Allan Velasco - Unang Bahagi

Congressman Lord Allan Velasco

NINAKAWAN NG KINABUKASAN!

Sa tuwing nalalapit ang halalan, tampulan ng biruan ang katagang - "Wala talagang kasiyahan ang mga mamamayan, pinangakuan mo na, gusto tutuparin pa!"  Ito mandin ang pinatunayan ni Cong. Lord Allan Velasco ng Marinduque. 

Sariwa pa sa ala-ala ko at sa mga kababayan kong Marinduqueno ang mga pangakong sinambit ni Lord Allan Velasco. 

Isa rito ang tungkol sa kanyang pangakong scholarship. 

"Gagawin kong 30,000 ang bilang ng iskolar kapag ako'y nanalo."

Tunay mandin na ang isda ay sa sariling bibig nahuhuli. Suriin po nating mabuti ang mga isinulat ni Ginoong Eli Obligacion, na tagapayo, tagapanulat at kilalang mistulang taga-hawak ng ari ni Lord Allan Velasco. 

Ayon kay Mr. Obligacion noong Hulyo 31, 2011 o mahigit isang taon sa panunungkulan ni Cong Vasco, Inihayayag nya na nakapagtala si Cong. Velasco ng 3,455 na iskolar. Ito ay 11.52% lamang sa kanyang pangakong 30,000 na bilang. Malinaw na binigo at niloko nya tayong mga Marinduqueno kung atin mang tatanggapin na makatotohanan ang bilang na ipinahayag. Basahin

Ngunit, alam nating lahat dito sa Marinduque ang hubad na katotohanan na mabibilang lang halos sa daliri ang kanyang iskolar kung mayroon man. Ang lahat ng mga mahihirap nating mag-aaral na itinaguyod ni Pareng Edmund at ni Nanay Carmencita sa loob mahabang panahon ay nahinto na agad sa pag-aaral pagkatapos lamang ng halalan sapagkat wala naman talagang programang pang-scholarship si Cong. Velasco. Marami sanang nakatakdang makapagtatapos na ng high school at kolehiyo noong panahong iyon ang tumigil na sa pag-aaral. 

Marami sa mahal nating mga kababayan ang ninakawan ni Cong. Velasco ng magandang kinabukasan. 

Ayon muli sa pitak ni Obligacion noong Agusto 31, 2012 makalipas ang mahigit dalawang taon ni Cong. Velasco sa panunungkulan, bumaba pa ang bilang kanyang mga islolar sa bilang na 2,072 o 6.9%.  Basahin

Patuloy nyang niloloko at pinagkakaitan ng magandang kinabukasan ang mga kabataang Marinduqueno. Nararamdaman ba ng kabataan at pamilyang Marinduqueno ang "programa sa pag-papaaral ni Cong. Velasco?" Ang kasagutan ay isang naghuhimiyaw na HINDI! Sapagkat ito ay kathang-isip lamang ni Cong. Velasco at ng kanyang mga alipores. 

Talagang  “ningas cogon” lamang siya at hindi maasahan sa tunay pagtulong.

Napaka halaga ng pag-aaral sa ating mga kababayang Marinduqueno. Sa edukasyon naitatanim ang binhi ng pag-asa ng bawat kabataang Marinduqueno  para sa kanilang sarili at para sa kanilang mga pamilya.